Gjatë Asamblesë së Partisë socialiste që u mbajt një ditë më parë, deputeti Koço Kokëdhima dha dorëheqjen nga posti i Sekretarit të Reformës Strukturore dhe Emigracionin.
Ai ishte paralajmëruar se do të shkarkohej nga ky post, kështu që ai hoqi dorë vetë përpara se sa kjo të ndodhte.
Por ndërkohë që të gjithë mendonin se Kokëdhima do ta kalonte mbrëmjen i mërzitur, në të vërtetë nuk ndodhi kështu.
Ai e kaloi mbrëmjen mes bashkëpunëtorëve, në festën e fundvitit të bizneseve të tij të sukseshme, si Abissnet, Unipress apo Botimet Max.
“Mbrëmja e Fundvitit me punonjësit, miqtë e bashkëpunëtorët në vite ishte shumë e hareshme! Mbrëmë, të rinj e të reja të veshur shumë bukur kërcyen e vallëzuan deri vonë! U uroj atyre dhe gjithë shqiptarëve Gëzuar Krishtlindjen!”, shkroi Kokëdhima në faqen e tij në Facebook.
Krahas shkrimit ai hodhi edhe shumë foto të tjera duke pozuar dhe vallëzuar me bashkëshorten, fëmijët, dhe të ftuarit e tjerë në mbrëmjen e fundvitit. Në këto foto, Kokëdhima shihet i shoqëruar me pjesëtarët e tij të familjes të cilët janë veshur shumë shik. Sidomos bashkëshortja e tij Brixhilda, e cila dallon për elegancën e saj. Tani po e kuptojmë se nga e kanë marrë hijeshinë dy vajzat, këngëtarja Besa dhe e motra Bora Kokëdhima. (D.D/Shuplaka)
[ngg_images source=”galleries” container_ids=”336″ display_type=”photocrati-nextgen_basic_slideshow” gallery_width=”600″ gallery_height=”400″ cycle_effect=”fade” cycle_interval=”10″ show_thumbnail_link=”1″ thumbnail_link_text=”[Show thumbnails]” order_by=”sortorder” order_direction=”ASC” returns=”included” maximum_entity_count=”500″]
Discussion about this post