Presidenti i Republikës Bujar Nishani, i ftuar në emisionin “Komiteti” të gazetarit Berat Buzhala, ka treguar se ku do ta shohim pasi t’i dorëzojë mandatin Ilir Metës më 22 korrik.
“Shpresoj të bëj ca ditë pushime me familjen, por padyshim pasioni im është politika, investimi im është politika, eksperienca ime është politika, bota ime e të kutuarit të gjërave dhe të përcjellurit të gjërave është politika, nuk e shoh veten jashtë poltikës.
Se cili do të jetë formalizimi pastaj, procedura, atë mbetet për ta parë, realisht nuk mund të them akoma një gjë të qartë.”, tregoi presidenti Nishani.
Ndër të tjera Nishani ka zbuluar edhe diçka që do t’i mbetet peng nga puna e tij në Presidencë, duke bërë kështu edhe një autokritikë.
“Duhej të kisha pasur kontakte më të shpeshta me qytetarët, jo vetëm punë në zyrë”, tha Nishani. (D.D/Shuplaka)
Discussion about this post