Çfarë do t’i thoshte Rama me flokë Ramës të ‘plakur’ sot, kryeministri kapet ngushtë në konferencë: Ta jap përgjigjen në fund

Është kapur ngushtë kryeministri Edi Rama gjatë konferencës për shtyp duke shtyrë si rrallëherë përgjigjen ndaj pyetjeve që i bëhen nga gazetarët.

“Ta jap përgjigjen në fund“, iu përgjigj kryeministri Rama pyetjes së çfarë do ti thoshte sot Edi Rama ‘me flokë’ (duke nënkuptuar kohën kur hyri në politikë) kur bër pakt me Berishën në 2008-n, kur i dha gjysmën e qeverisë Lulzim Bashës në 2017, kur u tërhoq nga greva e urisë dhe luftonte kundër vjedhjes së votës dhe kishte moton “Hap kutitë”.

Pas përfundimit të konferencës Ram iu përgjigj dhe kësaj pyetje për të cilën u shpreh në fillim se nuk e kishte menduar.

“Në atë kohë nuk kishte hyrë në asnjë zyrë shteti përveç se në Institutin e Arteve dhe në Galerinë Kombëtare. Ai Rama me flokë hyri në një zyrë shteti si ministër Kulture dhe nuk merrte vesh nga jeta që zhvillohej në anën tjetër të barrikadës. Në shumë gjëra do më kundërshtonte se s’do më kuptonte”, tha Rama.