Pavarësisht kritikave për vendimin e tij për tu bërë pjesë e qeverisë Rama si zv.ministër i Arsimit, Sportit dhe Rinisë, Taulant Muka e nisi punën e tij në këtë pozicion ku i zuri vendin Ervin Demos, pasi i zbuloi plagjiaturën në punimin e doktoraturës.
I pozicionuar si një kritik i fortë i qeverisë por edhe kryeministrit, ai pasi u emërua në këtë post nuk hezitoi të kërkonte dhe ndjesë për gjuhën e ‘papërshtatshme’ që kishte përdorur ndaj kryeministrit.
Në rrjet vërshuan kritikat ndaj tij duke i kujtuar se sulmet ndaj qeverisë i kishte pasur sa për tu imponuar për marrjen e një posti. Megjithatë ai vazhdoi punën e tij, dhe nuk vonoi shumë dhe bëri një prpozim të guximshëm kur deklaroi se ishte për vetting në sistemin arsimor pasi “nga 2008-2016 janë dhënë 1371 tituj akademike, një shifër kjo shumë e lartë në raport me produktin shkencor”.
Por, kur kishte kaluar furtuna ndaj tij, Taulant Muka i ka habitur të gjithë pasi ka njoftuar doëheqjen e tij nga posti i zv.ministrit.
Në letrën e dorëheqjes drejtuar kryeministrit, duket se ish-studenti i shkëlqyer në shkollat e perëndimit nuk e ka gjetur të përshtatshëm modelin e punës së aplikuar në Ministrinë e Arsimit Sportit dhe Rinisë, dhe për këtë ka marrë dhe një vendim të tillë.
“I nderuar z. Kryeministër,
Për arsye etike, morale dhe profesionale, dhe të papajtueshmërisë që unë kam në modelin e punës të aplikuar në Ministrinë e Arsimit, Sportit dhe Rinisë, ju paraqes dorëheqjen time të parevokueshme nga posti i zëvendës ministrit të Arsimit, Sportit dhe Rinisë”, shkruhet në letrën e Mukës.
Megjithatë dorëheqja e si “rrufe në qiell të hapur” të lë të dyshosh mbi atë se çfarë kë ndodhur Brenda harkut kohor prej 24 orëve, pasi vetëm ditën e djeshme, nga ajo që shkruante Muka në rrjetet sociale kuptohej se ai nuk kishte ndërmend të jepte dorëheqje. Për më tepër zv.ministri synonte që të bënte ranikimin e akademikëve sipas produktit shkencor për të evidentuar shkenctarët shqiptarë që jetojnë në vend.
“Bashkë me çunat e Ministrisë do bëjmë rankimin e akademikëve shqiptarë sipas produktit shkencor për të evidentuar shkencëtarët shqiptarë qe jetojnë në Shqipëri. Çuna suksese me përdorimin e “R Programming”! Shumë punë ju pret përpara!
#shkencashqiptare #arsimcilesor”, shkruante ai.
Siç duket dhe nga përmbajtja e këtij teksti, ai as që e mendonte dorëheqjen, për më tepër, sot ishte tek amfiteatri i Liqenit Artificial në Tiranë në ceremoninë e diplomimit të studentëve të Universitetit të Tiranës ku mbajti dhe një fjalë të shkurtër para të pranishmëve. Vetëm pak orë pas këtij eventi ku ai ishte në cilësinë e zv.ministrit Taulant Muka bëri të ditur vendimin e tij të papritur për tu dorëhequr, dorëheqje e cila duke pasur parasysh këto rethana duket më shumë si e imponuar, për shkak e mosdhënies së hapësirës së nevojshme për të implementuar idetë e tij.
Një dorëheqje të tillë, krejt të papritur para ca kohësh e dha edhe ish-ministri i Brendshëm Fatmir Xhafaj, ndërsa ishte në kulmin e një operacioni policor dhe kishte garantuar se kriminelëve do tua bënte të pajetueshmë Shqipërinë. Vendimi i tij nga shumë analistë u lexua si e imponuar nga kryeministri, i cili tashmë nuk e kishte ‘nën kontroll’ ministrin e tij.
Xhafaj edhe në vazhdim i qëndroi idesë se vendimi e tij nuk ishte e imponuar dhe e kishte marrë këtë vendim me dëshirën e tij, por nuk dukej shumë bindës. Sa i përket Mukës mbetet për tu parë në ditët në vijim, nëse ai do të sqarojë dritëhijet e këtij vendimi të papritur. (B.H/Faxweb)
Discussion about this post