Nga sot pas orës 12 të mbrëmjes nis heshtja zgjedhore. Nesër vendi do të shkojë në zgjedhje dhe qytetarët duhet të kenë kohën e tyre për të reflektuar në lidhje me vendimin që do të marrin.
Po sipas Kodit Zgjedhor një ditë para mbajtjes së Zgjedhjeve subjektet politike e kanë të ndaluar të bëjnë fushatë në media apo në mitingje.
Në rast se thyhet heshtja zgjedhore Kodi parashikon dhe ndëshkime që nisin me gjobë nga 500 mijë lekë për subjektin zgjedhor deri në 2 milonë lekë për median që e transmeton.
HESHTJA ZGJEDHORE:
Dita përpara datës së zgjedhjeve dhe data e zgjedhjeve, deri në orën e mbylljes së votimit, formojnë periudhën e heshtjes zgjedhore. Në periudhën e heshtjes zgjedhore nuk lejohet asnjë lloj fushate zgjedhore nëpërmjet organeve të medias, si dhe zhvillimi i mitingjeve ose i veprimtarive të tjera zgjedhore të subjekteve zgjedhore.
THYERJA E HESHTJES ZGJEDHORE:
1.Subjekti zgjedhor që thyen heshtjen zgjedhore, sipas nenit 77 të këtij Kodi, gjobitet nga KZQ-ja me 500 000 lekë.
2.Botuesi ose operatori radioteleviziv që thyen heshtjen zgjedhore, sipas nenit 77 të këtij Kodi, gjobitet nga KQZ-ja me 2 000 000 lekë.
3.Ankimi ndaj vendimit të KQZ-së për gjobën nuk pezullon ekzekutimin e saj.
(E.K/SHUPLAKA)
Discussion about this post