“Çfarë garancie keni ju që do i qendroni presionit të politikës?!”, Arta Marku flet për pikën e saj të fortë

Prokurorja e Përgjthshme e Përkohshme Arta Marku është intervistuar sot në KLP, rreth kandidaturës së saj për kryeprokurore.

Një nga pyetjet që iu bë Markut ishte dhe garancia sesi ajo do ti bëjë ballë presionit të politikës, ndërsa prokurorja tha se shembullin konkret e kishte në rastin e procesit të dekriminalizimit për kryetarin e Bashkisë së Vorës, Agim Kajmaku.

Marku tha po ashtu se ajo ka një mbështetje të madhe nga ana e ndërkombëtarëve, të cilët ishin pro dhe zgjedhjes së saj si e përkohshme dy vite më parë.

Bujar Sheshi: Çfarë garancie na jepni që do i qëndroni ballë presionit të politikës?

Marku: Gjatë dy viteve kam punuar në kushte të vështira të presionit politikë e mediatik. Kam dëshmuar mjaftueshëm që nuk kam varësi nga politika, kjo është bërë sa herë ka patur raste publike për ta vërtetuar të kundërtën. Rasti i fundit për ish-kreun e bashkisë Vorë. Ky është shembull që nuk kam varësi politike.

Të jeni të bindur që nuk kam patur mbështetje politike, por mbështetje të madhe nga ndërkombëtarët. Garancia më e mirë që i japë KLP-së, janë dy vitet si e përkohshme, me mandat të plotë shumë më e lehtë.

LEXO EDHE: 

“E di që nuk i kam përmbushur pritshmëritë, por nuk jam e paaftë”, Arta Marku kërkon mandat të plotë: Kam mbështetur çdo prokuror!

Në seancën e marrjes së pyetje, pasi garon për kryeprokurore, Arta Marku “ka dhënë” llogari dhe për takimin që ka pasur me kreun e qeverisë Edi Rama.

Ishte anëtarja e KLP-së Nurihan Seiti ajo që pyeti Markun për takimin me Ramën, ndërsa shtoi se çfarë i ka afruar prokurorja qeverisë.

Nurihan Seiti: Në dy vite lihen gjurmë. Fjalën e përkohshme e quajmë veç të tillë. Takimi juaj me shefin e qeverisë ishte për të dëgjuar politik të sistemit të hetimit e akuzës, pas ju atë kohë deklaruat komfliktin e intetesit me prokurorët. Çfarë i ofruat ju qeverisë?

Marku: Ishte koha kur opozita zhvillonte protesta të shumta, dhe u takova me Kryeministrin. Kjo ka qenë arsyeja, por jo takim raportues pasi nuk ka marrëdhënie të tillë midis dy institucioneve. Takim emergjent për shkak të situates, kanë qenë të pranishëm dhe drejtues të institucioneve të tjera të rëndësishme si kreu i SHISH, apo i policisë së shtetit. Nuk ka qenë vetëm një takim mes meje dhe kreut të qeverisë.

(E.K/Faxweb.al)