Emra të njohur të Hollywood-it janë bërë bashkë për një kauzë të rëndësishme, e gjitha nismë e “Billboard”-it. Jennifer Lopez-it, Britney Spears-it e të tjerëve vipave, u është bashkuar edhe këngëtarja shqiptare Era Istrefi.
E ftuar nga “Billboard”, ajo ka shkruar një letër për komunitetin LGBTI, letër e cila është publikuar edhe në faqen zyrtare. Ndër të tjera, Era Istrefi shkruan në letër se dikur ishte njohur me një fans që i përkiste këtij komuniteti dhe që mendonte të kryente vetëvrasjen për shkak se askush nuk e besonte.
Letra e këngëtares Era Istrefi:
Bota mund të jetë e ashpër për komunitetin LGBTI, sidoqoftë, ky realitet i hidhur mund t’u jap atyre superfuqi për shndërrimin e këtij planeti në vend më kreativ, argëtues dhe të mençur. Faleminderit për frymëzimin e pafund dhe ngjyrat që ia jepni universit.
Dikur kam njohur një fans timin që ishte nga komuniteti LGBTI, i cili mendonte vetëvrasjen sepse askush nuk e kuptonte në Kosovë. Ai më ka thënë se muzika ime e frymëzon që të vazhdojë tutje dhe takimi me mua në vitin e kaluar gjatë paradës në NYC i dha atij shpresë.
Si rezultat i performancës sime Sinful Colors dhuroi një pjesë të të ardhurave për projektin e Trevorit të ngjyrosjes së thonjve. Trevor është linjë ndihmëse telefonike 24/7 për të rinjtë e komunitetit LGBTI, e që për mua ka rëndësi të madhe. Jam e lumtur që do të performoj përsëri në Pride NYC, në të cili do të lançoj koleksionin tim me ngjyra të thonjve në bashkëpunim me “Sinful Colors”.
Mos lejoni askënd t’ua ndalojë dashurinë. Dashurojeni veten dhe këdo për të cilin u rrah zemra. Përtej gjinisë, racës dhe kombit.
(XH.A/SHUPLAKA)
