Çdo fillim stine shoqërohet dhe me tendencat e modës, që aplikohen fillimisht jashtë dhe më pas mbërrijnë edhe në vendin tonë.
Në ka një ngjyrë që ka mbizotëruar këto ditët e fundit pasarelat e modës por edhe ekranet ka qenë ngjyra e bardhë.
Ndryshe nga vitet e tjera që e bardha mund të përdorej për thyerje të ngjyrave të forta, këtë herë ajo është dominuese, ku nuk mungojnë kostumet apo fustanet.
2017-a është një vit i rikthyer pas në modë. Shumë prej brandeve më të njohura kanë propozuar për këtë pranverë – verë kostumin e viteve 1970 për të gjithë vajzat, shkruan ”Revista Class”.
Jo vetëm sepse është veshja më e përshtatshmë për punë dhe për raste të veҫanta, por edhe sepse ngjyrat e lehta me nuancat e pastelit janë ulur këmbëkryq në pasarelat e mëdha të modës.
Pantallona të gjera dhe të gjata, të ngushta e me bel të lartë, por edhe xhinse të bardha të grisura me xhaketë e këmishë po të bardhë janë vetëm disa nga variantet që jo vetëm blogeret e njohura në botë, por edhe fashionistat shqiptare i kanë propozuar në tendencat e reja të pranverës.
Kostumi i bardhë ka qenë në këtë sezon edhe veshja më e preferuar për shumë prej personazheve tona të njohura.
Blogeret, në profilet e tyre, kanë postuar vazhdimisht foto me kostum të bardhë. E kanë zgjedhur për një veshje mbrëmjeje, eventi artistik apo edhe si veshje dite. (E.K/SHUPLAKA)
[ngg_images source=”galleries” container_ids=”1978″ display_type=”photocrati-nextgen_basic_imagebrowser” ajax_pagination=”1″ order_by=”sortorder” order_direction=”ASC” returns=”included” maximum_entity_count=”500″]
Discussion about this post