Këngëtarja e njohur Enca Haxhia dhe reperi i njohur Noizy, nuk i kanë mirë më marrëdhëniet me njëri-tjetrin. E ftuar në emisionin “Xing me Ermalin”, Enca foli për herë të parë për konfliktin mes tyre.
“Pse e shitët kështjellën e mbretit dhe mbretëreshës”, e pyeti Ermali, “ça ndodhi me ju?”
“Kështjella nuk shitet, por donim të shisnim ca toka vërdallë, ato na futën çik në siklet.”, tha Enca.
Më pas këngëtarja bëhet serioze dhe thotë që i vjen keq për atë që ka ndodhur mes saj dhe Noizy-t. “Më vjen shumë keq, nuk duhet të kishte ndodhur nga e tij, as nga ana ime. Dashamirësinë që kam pas ndaj tij si artist edhe si mik nuk e harroj. Kemi bërë gjëra të mëdhaja sëbashku dhe ku i dihet.”, tha Enca më tej.
Dy artistët të cilët kanë qenë miq shumë të mirë nuk flasin më prej muajsh. Sherri mes tyre u vu re pas një deklarate të Noizyt ndërsa ishte i ftuar në “Xing Me Ermalin” e pastaj edhe në intervistën e Encës në “Privé”. (D.D/Shuplaka)
