Deputeti i Partisë Demokratike, Arbi Agalliu ka komentuar në rrjetet sociale mbledhjen e 40 deputetëve opozitarë të thirrur nga Gazment Bardhi. Në këtë mbledhje munguan disa deputetë që mbështesin Lulzim Bashën.
Një prej tyre ishte dhe Arbi Agalliu, që ka qenë kritik ndaj kësaj mbledhjeje. Deputetët e mbledhur, më përpara akuzonin njëri-tjetrin si vrasës ndërsa sot bënë sikur s’ka ndodhur asgjë, shprehet deputeti i qarkut të Vlorës. Për Agalliun nuk luftohet korrupsioni me të korruptuar që kanë marrë sanksione nga SHBA dhe Britania e Madhe.
Postimi:
Çfarë ka ndryshuar sot për disa kolegë?
Deri dje ishin të vendosur për të mbështetur qendrimet e aleatëve strategjikë si SHBA, BE dhe Britani e Madhe.
Deri dje mendonin dhe artikulonin faktin se non grata me qeverinë ndanin pushtet, kulla dhe para.
U akuzuan me njëri tjetrin si vrasës, babi i x apo y, përfaqësues oligarkësh, etj.
Sot çfarë ndryshoi?
Sot u ulen përball njëri tjetrit dhe bënë sikur nuk ka ndodhur asgjë.
Nuk të bënë opozitar të ulesh në hollet e hoteleve por së pari të mos jeshë i damkosur për korrupsion nga SHBA dhe Britani e Madhe apo të mos përflitesh (edhe me fakte) për biznese të pa ligjshme me qeverinë.
Nuk luftohet korrupsioni me ish të korruptuar!
Ndaj, çfarë ndryshoi?
