Avokati Spartak Ngjela pas krijimit të qeverisë “Rama 2” është shfaqur kritik në lidhje me qeverisjen e kryeministrit dhe atë që sipas tij ka synim Rama të bëjë në 4 vitet e ardhshme.
“Qeveria “Rama 2″ një qeveri mediokër që kërkon të bllokojë Reformën në Drejtësi, në funksion të marrëveshjes Rama Basha.”, kështu e ka quajtur Ngjela qeverisjen e 4 vitete që do të na pasojë. Ai thekson në reagimet e tij se korrupsioni, krimi, droga janë ulur këmbëkryq në vendin tonë dhe e vetmja shpresë është Reforma në Drejtësi për të cilën avoktati shprehet se nuk i ndahet Amerika.
“Amerikanët kurrë nuk do të tërhiqen nga aleanca e tyre me shqiptarët për Reformën në Drejtësi dhe për luftën kundër korrupsionit.”, nënvizon Ngjela.
Por kritik ndaj Ramës Ngjela është edhe për dipolomacinë. ” Aleatët e kryeministrit shqiptar, një turp i madh”, shprehet ai duke shpeguar se Rama duke qenë se ka frikë nga drejtësia perëndimore mban mirë marrëdhëniet me lindjen.
“Të gjithë të sëmurët psikikë që kanë qenë kryeministra shqiptarë; të trembur nga koncepti i drejtësisë shoqërore dhe nga zgjedhjet e lira si kërkesë perëndimore ndaj tyre, e kanë urryer Perëndimin dhe kanë shkuar në Lindje” thotë Ngjela.
Por nuk është ndalur me kaq. Një kritikë e tij së fundmi ka qenë për foton e Ramës me Donlad Trump-in ku thotë se Rama i trajton shqiptarët si indianë dhe kërkoi t’iu shiste një fotografi me Presidentin amerikan si sukses vetjak. “Pse, i di shqiptarët indianë ky pafille! Sa shumë janë tallur dje kur e panë që, në hall, na nxori një foto, e asgjë më. Ka qënë i trembur prandaj.”, reagon fort Ngjela.
Por lind pyetja: Çfarë ka Ngjela që çdo ditë e më shumë që shpërthen ndaj Ramës? A është diçka personale mes tij dhe Ramës?
Apo Rama e ka kaluar komplet limit e pritshmërive që Ngjela kishte pasi ai mori për herë të dytë pushtetin?
Rama ende nuk i ka kthyer një përgjigje Ngjelës por ky i fundit nuk dalet. Çdo ditë e më shumë kritik ndaj kryeministrist. Ç’të ketë vallë avokati?!
(J.V/Shuplaka)
