Gazetarja e njohur, Mira Kazhani u përfshi mesditën e djeshme në një aksident në autostradën Tiranë-Durrës, pasi goditi një këmbësor me makinën e saj.
Pas aksidentit të saj rrjetet sociale kanë “shpërthyer” me meme për faktin se gjatë protestave studentore gazetarja tentoi t’iu hynte mes për mes turmës së studentëve që kishin bllokuar. (Lexo ketu)
Ndërkohë që një nga fotot më virale ka qenë ajo që ‘’portali’’ i Kazhanit shkruante se këmbësori kishte goditur me kokë makinën.
Kujtojmë se për këtë aksident nga ish-kryeministri Berisha pati akuza se policia e shtetit po tentonte që të manipulonte provat, ndërsa vetë gazetarja u shoqërua për të dhënë dëshminë e saj.
Njoftimi i policisë për aksidentin:
Rreth orës 15:10, në autostradën “Tiranë-Durrës” mjeti me drejtuese shtetasen E.K., është përfshirë në aksident me një këmbësor ende të paidentifikuar, i cili ndodhet në spital nën kujdesin mjekësor.
Nga veprimet e para, dyshohet se këmbësori në tentativë për të kaluar nga një krah i autostradës në tjetrin i ka prerë rrugën automjetit.
Drejtuesja e mjetit është vënë në dispozicion të organeve hetimore dhe ndodhet në ambientet e Policisë.
Grupi hetimor ka kryer veprimet e para hetimore dhe po punon për zbardhjen e plotë të rrethanave të ngjarjes.
(E.K/FAXWEB.AL)
