Pak minuta më parë është publikuar lajmi i shkarkimit nga detyra të Haki Çakos, Drejtorit të Përgjithshëm të Policisë së Shtetit. Ky vendim është marrë nga Këshilli i Ministrave, ashtu siç e parashikon edhe ligji i Policisë së Shtetit.
Në shkresën e tij Xhafaj në lidhje me shkarkimin e Haki Çakos ka gjetur si pretekst “ritimin e shpejtë dhe dinamikës e madhe për Policisë e Shtetit”. “Megjithatë, realizimi i objektivave të këtij mandati qeverisës, në fushën e rendit dhe sigurisë publike, sfidat që e presin Policinë e Shtetit, kërkojnë një ritëm më të shpejtë dhe dinamikë të madhe pune.Për këtë arsye është i domosdoshëm një lidership i ri, me energjitë të reja për të motivuar dhe çuar përpara punën e Policisë së Shtetit.”, është shprehur Xhafaj.
Por pse Xhafaj për një pretekst të tillë goditi fort karrierën e Haki Çakos?
Duke iu referuar ligjit të Policisë së Shtetit pas këtij shkarkimi Çako nuk ka të drejtë të rikthehet më në rradhët e Policisë së Shtetit. Duhet të themi që Xhafaj me këtë pretekst nuk justifikon shkarkimin e tij, ku shumë mirë mund të ulte në detyrë Çakon, pasi ai një shkollim policior. Mesa duket Xhafaj ka zgjedhur këtë si pretekt në shkresën zyrtare dhe arsyeja e vërtetë e shkarkimit mes duket është diçka tjetër.
Duhet të theksojmë që Çako është akuzuar sidomos gjatë vitit të fundit si bashkëpunëtor me bandat kriminale të mbledhjes së hashshit në vend dhe si një njeri shumë i afërt me Tahirin. Pas largimit të Tahirit Rama ka zgjedhur Çakon këtë herë të largojë me një shkresë zyrtare që motivacioni nuk justifikon qëllimin.
SHKRESA:
“Ministri Xhafaj, vlerëson kontributin, angazhimin dhe përkushtimin e zotit Çako në drejtimin e Policisë së Shtetit, gjatë viteve të fundit.
Ai ka një karrierë të gjatë në Polici dhe ka drejtuar me profesionalizëm struktura të niveleve të ndryshme.
Ministri Xhafaj, pati një takim gjatë të cilit e falënderoi Drejtues Madhor Çakon për punën dhe bashkëpunimin e deritanishëm, në përmbushjen e misionit të Policisë së Shtetit.
Megjithatë, realizimi i objektivave të këtij mandati qeverisës, në fushën e rendit dhe sigurisë publike, sfidat që e presin Policinë e Shtetit, kërkojnë një ritëm më të shpejtë dhe dinamikë të madhe pune.
Për këtë arsye është i domosdoshëm një lidership i ri, me energjitë të reja për të motivuar dhe çuar përpara punën e Policisë së Shtetit.
Puna e kësaj të fundit, domosdoshmërisht duhet të jetë e orientuar drejt rezultateve konkrete, me qëllim që t’u përgjigjet, kësisoj, më mirë kërkesave të kësaj faze të re dhe pritshmërive të larta të publikut dhe partnerëve ndërkombëtarë ndaj Policisë së Shtetit.”
Ligji i policisë së Shtetit:
