Janë rreth 28 mijë trupa speciale të cilët kanë rrethuar pjesën më të madhe të Washington DC ku po zhvillohet ceremonia e inagurimit të presidentit të 45-të të SHBA.
Megjithë masat e larta të sigurisë, mediat amerikane kanë vendosur të shtrojnë për diskutim skenarin më të keq, atë të vrasjes së presidentit të ri, Donald Trump, është një prej teorive konspirative që hedh CNN, televizion pranë demokratëve amerikanë.
CNN pyet, kush do të zëvendësojë Donal Trump në rast të ndonje sulmi?
Sipas Kushtetutës amerikane, zëvendësi do të kërkohej brenda kabinetit të Presidentit ende në detyrë, Barack Obama, kjo për arsye sepse asnjë nga figurat e administratës së ardhshme të Trump, nuk ka marrë ende miratimin e Senatit.
Thomas Shannon, i cili aktualisht qëndron në krye të Departamentit të Shtetit do të bëhej menjehëre presidenti i ri amerikan.
Vetë Trump kërkoi ditë më parë që 50 zyrtarë të emëruar nga Obama të qëndrojnë në të njëjtat pozicione për të mos krijuar asnjë vakuum politik në rastin e ndonje ngjarjeje të pa parashikuar.
Betimi i Donald Trump si presidenti i 45-të i SHBA-ve bëhet në ora 18:00, me orën tonë lokale, ceremoni e cila pritet të ndiqet live nga rreth 800 mijë persona. (A.R/SHUPLAKA)
