Ish-kryetari i Komisionit Qëndror të Zgjedhjeve, Kristaq Kume tha se djegia e mandateve nga opozita është një veprim që nuk krijon ngërc ligjor.
Sipas tij pasi krijohen vakancat në Kuvend dhe ky i fundit ia ia dërgon KQZ-së këto vakanca.
Ai tha se nëse KQZ do të thërrasë kandidatët e Partisë Demokratike në listën vijuese dhe asnjëri nuk pranon të marrë mandatin, ky komision ia ofron mandatin atij që ka vota më shumë që mund të jetë kandidat i pavarur ose me vota më shumë.
“Por kjo nuk do të thotë se kjo është një mënyrë e drejtë. Nëse opozita largohet nga Kuvendi do të kemi munimumin e qeverisjes sepse vendi duhet të qeveriset sipas variantit të pjesmarrjes të të gjitha palëve. Me largimin e opozitës mund ti plotësojnë vendet vakante kandidatë për deputet nga lista e atyre që kanë qenë në garë dhe që kanë herësin më të madh të votave”.
Sipas Kumes, nuk ka përgjigje direkte të shprehur në kodin zgjedhor, “rasti kur vakanca krijohet në Kuvend nga një deputet i pavarur dhe KQZ ia jep mandatin e deputetit një kandidati me herës më të lartë. Pra në këtë rast djegia e mandateve nga opozita i ngjan dorëzimit të mandatit të një deputeti të pavaruar”, – tha Kristaq Kume përpara gazetarëve.
(F.GJ/FAXWEB.AL)
Discussion about this post