Kur ke shumë në pushtet dhe kur gjithë medien e etiketon ”kazan”, ka momente që del zbuluar.
Kështu i ka ndodhur Edi Ramës ditën e djeshme, teksa merrte pjesë, pa bashkëshorten, në 10-vjetorin e ”Ora News”.
Duke bërë kryeministrin-kavalier, ai është fotografuar ndërsa i puthte dorën gazetares Ilva Tare, e cila vetëm disa orë më pas solli në jetë fëmijën e dytë, djalin Thomas. Një foto e bukur, ku kryeministri i puth dorën gazetares shtatzënë!
Por për gazetarët që kanë pak memorie, nuk shqitet lehtë nga kujtesa momenti, kur kryeministri, të njëjtën gazetare, kur e ”bombardonte” me pyetje që nuk i pëlqenin, kërkonte ta kompleksonte për përgatitjen e saj, duke i kujtuar se shkak kishte qenë vajza e vogël që kishte për t’u kujdesur.
“Kështu është kur interviston kryeministrin dhe je e papërgatitur po edhe s’keni faj, se keni fëmijë te vogël”, i tha asokohe Rama-Tares, duke marrë menjëherë përgjigjen e gazetares me përvojë: “Mos kini merak se kjo s’më ka penguar aspak të përgatitem, por je ti qe duhet të kishe ardhur para dy javësh këtu.”
Sa bukur kërkon t’i kompleksojë gazetarët ‘e kazanit”, siç i quan të gjithë Edi Rama! Po njësoj kërkon t’i shfrytëzojë për imazhin e tij. Kushedi, kësaj here mbase drejtorit të tij të Komunikimit, Endri Fugës i ka dalë nga kujtesa t’i kujtojë shefit që s’i mban mend dot të gjitha, se me Ilvën nënë e ”kemi tepruar pakëz”, para shqiptarëve! (V.G/SHUPLAKA)
