Gazetari Artan Hoxha i ftuar në “Opinion” në “News24” ka sqaruar ngjarjen e ndodhur disa ditë më parë në Elbasan, ku gjatë një aksioni të policisë së qytetit, makina e nën drejtorit të Policisë u përplas nga makina e blinduar e biznesmenit Petrit Çela.
Sipas Hoxhës situata atje është jashtë kontrolit dhe se grupet kriminale kanë nën kontroll të gjithë qytetin.
“Tentativa fillestare ishte që ngjarja të mbulohej, të mos kishte mediatizim të saj. Ditën e parë arritën t’jua mbyllin gojën medias, mungoi informacioni zyrtar. Gazetarët jo vetëm e kanë pasur të pamundur të afrohen në vendin e ngjarjes, por kanë pasur edhe frikë. Atje kanë ndodhur një seri ngjarjesh të rënda. Policia është vënë në një situatë kritike, ka qenë jashtë kontrollit të grupeve kriminale që kanë marrë nën kontroll qytetin. Gazetarët atje janë nën presion, situata nuk është aspak normale, se nuk përmbushnin dot detyrën, ndjeheshin të kërcënuar ata dhe familjet e tyre. Para zgjedhjeve pata paralajmëruar se atje do ketë një situatë jo normale”, tha Hoxha.
Ndërkohë për pronësinë e mjetit Audi që goditi atë të policisë, Hoxha tha se është në pronësi të biznesmenit nga Elbasani Petrit Çela, që ka në pronësi tregun ushqimor në këtë qytet. Ndonëse ai është i njohur si tregtar korrekt, i biri, thotë Hoxha, njihet të ketë pasur probleme me drejtësinë.
Vijon….
(S.SH/Shuplaka)
Y
