Një ngjarje e rèndë është regjistruar në orët e para të mëngjesit në Shkodër. Dy persona të maskuar me motorçikletë kanë qëlluar me ármë dhe kanë kërcënuar një shtetas në rrugën Shkodër-Velipojë, më konkretisht në afërsi të fshatit Daragjat.
Burime pranë policisë së shkodrës bëjnë me dije se ngjarja ka ndodhur rreth orës 6 të mengjesit kur dy persona me motor të maskuar i kanë zënë pritë nje mjeti tip benz, ku po udhëtonte një 50 vjeçar, banues në fshatin Darragjat. Sipas dëshmisë së dhënë para policisë nga 50 vjeçari, autorët e kanë ulur në gjunje drejtuesin e mjetit duke e kërcënuar dhe pastaj kanë qëlluar me automatik në ajër.
Fatmirësisht si pasojë e kësaj ngjarje nuk ka pasur viktima. Policia po punon për identifikimin e autorëve të kesaj ngjarje të rèndë e cila rikthen maskat në Shkodër, pas disa muajve qetësi.
(E.K/Faxweb.al)
Discussion about this post