Në mesin e një paniku që është rritur ndjeshëm ditët e fundit tek qytetarë, nuk kanë munguar as mediat që me apo pa dashje i kanë hedhur ‘’benzinë zjarrit”, duke bërë disa postime jo të vërteta.
Ashtu ka qenë një postim i hedhur në një media online, ku shihet hoteli Plaza në qendër të Tiranës, dhe pyetet ‘A ka ndonjë gjë që nuk shkon”.
Po ta shohësh me vëmendje foton, në mesin e godinës të krijohet ideja e një carjeje, që mund të jetë bërë me photoshop, pasi Miratim Plaza Tirana informon të gjithë klientët e saj, që godina nuk ka pësuar asnjë dëmtim.
Njoftimi i plotë:
Të nderuar miq!
Maritim Plaza Tirana dëshiron të informojë publikun se integriteti strukturor i godinës, gjatë dhe pas tërmetit të datës 26 Nëntor, nuk është vendosur asnjëherë në diskutim, pasi kjo godinë është konceptuar dhe realizuar me teknikat më të fundit në parandalimin e dëmtimeve sizmiologjike.
Më shumë se 200 persona të stafit tonë janë çdo ditë në dispozicion të të ftuarve të hotelit, të cilët mund të ndihen të sigurtë në godinën tonë ndërkohë që zyra ligjore është duke marrë të gjitha hapat e nevojshme për të luftuar “fake neës”-et mbi integritetin strukturor të godinës.
Maritim Plaza Tirana bën thirrje që e gjithë vëmendja e strukturave përkatëse, si dhe e medias online dhe së shkruajtur, të drejtohet tek zbulimi, rikuperimi dhe rimëkëmbja e dëmeve, në njerëz dhe objekte, pas tërmetit të datës 26 Nëntor.
Faleminderit.
Discussion about this post