Çfarë paralajmëron Macron!? Projekti i zonës Shengen ka dështuar

Presidenti i Francës, Emmanuel Macron, ka paralajmëruar reforma të cilat i ka premtuar që para dy viteve, për katër sector të mëdhenj.

Në një fjalim të mbajtur gjatë ditës së enjte, Macron paralajmëroi reformat për katër sektorë të mëdhenjku përfshihen: ndryshimet administrative, vendosja e të drejtave të njeriut dhe drejtësisë në themel të republikës, investime madhore në arkitekturë, mbajtja e gjallë e “Projektit Francez” të demokracisë.

Në këtë fjalim, Macron tha se projekti i ‘Zonës Shengen’ nuk po funksionon më. Këto komente vijnë pas pakënaqësive të francezëve mbi shtimin e numrit të emigrantëve dhe refugjatëve të cilët kanë arritur në vendet tjera të BE-së e më pas përmes shfrytëzimit të Zonës Shengen kanë arritur në Francë, raporton Euro Neës.

Emigrantët kanë qenë një temë e nxehtë në politikën franceze, gjë që është shfrytëzuar në maksimum nga partitë e ekstremit të djathtë. Ai gjithashtu shtoi se ky projekt i ka sjellë një frymë të ndjenjës së padrejtësisë në popullin Francez, të cilët janë ndier se janë tradhtuar nga vendet tjera të Zonës Shengen.

(F.GJ/FAXWEB.AL)