Ditë më parë, kur tezën e shkarkimit të Saimir Tahirit e hodhi në publik sipërmarrësi Henri Çili, kryedemokrati Lulzim Basha dha një përgjigje të qartë: Ai nuk do dilte nga çadra dhe do vazhdonte në kërkesën e tij të qeverisë teknik.
”Sot kanë ofruar nëpërmjet mediave të kontrolluara kokën e Saimir Tahirit, ne nuk jemi mbledhur këtu për kokën e Saimir Tahirit se ajo është kokë e krimit, ne nuk jemi këtu të pranojmë ”koka turku”, mbaje Saimir Tahirin për vete! Sgjidhja është largimi yt dhe i qeverisë tënde!”, ky ka qenë mesazhi i fortë i Bashës në ditën e 3-të të protestës.
Basha tha asokohe se ky sinjal i kishte ardhur atij nga mediat e kontrolluara nga qeveria.
”Dëgjo zërin e qytetarëve, zgjidhu nga karrigia ku të ka lidhur krimi dhe në ta mban dil dhe ndeshemi dhe të shohim e kush fiton! Nuk shpëton dot nga përballja me qytetarët as krimi, as droga, as mediat e blera, ora e përballjes po vjen!’, vazhdoi më tej kryedemokrati, duke këmbëngulur në kërkesën e tij për qeveri teknike.
Sot ministri i Punëve të Brendshme Saimir Tahiri ka dhënë dorëheqjen ndërsa burimet thonë se ka shumë gjasa që vendin e tij ta zërë zëvendëskryeministri Niko Peleshi. (V.G/SHUPLAKA)
