Çfarë po fsheh qeveria për inceneratorët? PD nxjerr kontratat: I përfshirë dhe Erion Veliaj

Partia Demokratike ka dalë sërish sot me një reagim zyrtar për çështjen e inceneratorëve.

Drejtoresha e Departamentit Antikorrupsion në PD, Lealba Pelinku, tha se kontratat janë siguruar nga PD dhe kanë shkelje ligjore.

Pelinku tha se këto kontrata janë mbajtur si sekret shtetëror.

Sipas PD-së, Ahmetaj dhe Rama janë dy pronarët e vërtetë të inceneratorëve, por i përfshirë është dhe kreu i bashkisë, Tiranë Erion Veliaj.

“Kontratat kanë shkelje të rënda ligjore. Kontratat janë trajtuar si sekret shkretëror. Kontrata e Fierit nuk ka të saktësuar vendin. Pronari i vërtetë është Edi Rama dhe Arben Ahmetaj. Kontrata nuk e ka të përcaktuar energjinë. Së pari nga dokumenti i zbuluar nga PD , kontrata është firmosur në gusht të 2017, tre muaj para se Arben Ahmetaj të gënjente publikisht. Së dyti, Ahmetaj ka vendosur në buxhet disa pagesa për inceneratorët, ku i përfshirë është dhe kryebashkiaku Erion Veliaj. PD fton qytetarët të bashkohen me opozitën në 27 janar.”tha Pelinku.

(F.G/Faxweb)