Vetëm brenda kësaj jave në vend janë mbytur në detin shqiptar 7 persona.
Nga 7 viktimat, 6 prej tyre janë të rinj nga mosha 15-35 vjeç. Vetëm një prej tyre Benjamin Ferati u fut në det pasi u përpoq të shpëtonte nga mbytja dy vazjat e reja por gjithçka rezultoi fatale edhe për të pasi edhe 24 vjeçari u mbyt bashkë me to. Ai është quajtur nga të gjithë një hero.
Por çfarë po ndodh? Nuk ka një roje bregdetare në det që mund t’ju vijnë në ndihmë turistëve shqiptarë. Po kështu edhe institucionet deri më tani nuk kanë mbajtur përgjegjësi apo të marrin masa që të tilla mbytje të mos përsëriten më.
RASTET :
15-vjeçari te “Uji i Ftohtë”
Vetëm 6 ditë më parë 15 vjeçari Endri Bejkotaraj, banues në lagjen “10 Korriku” në Vlorë u mbyt te “Uji i Ftohtë”. Ai u trasportua për ndihmë mjekësore por nuk mundi të shpëtojë nga mbytja.
3 të rinjtë në Zvërnec
3 të rinj humbën jetën në Zvërnec të Vlorës në plazhin e Portonovës. Ata ishin dy vajza dhe një djalë. Manuela Maraj, 27 vjeçe, Xhoana Cani, 25 vjeçe dhe Beniamin Ferati,24 vjeç ishin viktimat. Ky i fundit u mbyt pasi u përpoq të shpëtonte nga mbytja dy vazjat e reja por gjithçka rezultoi fatale pasi edhe 24 vjeçari u mbyt bashkë me to.
75 -vjeçari në Velipojë
Një pushues nga Kosova u mbyt në plazhin e Velipojës. Sipas policisë, dyshohet se 75-vjeçari vuante nga probleme kardiake dhe ka pësuar atak kardiak në momentin që ka hyrë në ujë.
Trupi i viktimës u nxjorr në breg nga të afërmit që ndodheshin aty pranë.
35-vjeçari në Velipojë:
Një shtetas i Kosovës është mbytur pasditen e djeshme në plazhin e Velipojës ditën e djeshme. Bëhet fjalë për 35 vjeçarin me iniciale F.H banues në Prishtinë.
Nga deklarimet e para të dëshmitarëve të ngjarjes së rëndë, mësohet se 35-vjeçi është mbytur në përpjekje për të shpëtuar bashkëshorten e tij, por u mbyt vetë.
16 vjeçarja në Ksamil
Një 16-vjeçare është mbytur në Ksamil. Ngjarja e rëndë ka ndodhur përballë tre ishujve në Ksamil.
Policia ndodhet në vendngjarje dhe po heton.
Ende nuk dihet se kush identiteti i vajzës. Deri më tani raportohet se është një shetetase ruse. (J.V/Shuplaka)
