Çfarë po ndodh me burgjet? Drejtori i paraqet dorëheqjen ministres së drejtësisë

Drejtori i burgut të Reçit në Malësi të Madhe, Gëzim Selimi, ka dhënë dorëheqjen nga posti që mbante.

Dorëheqjen e tij, Selimi e ka paraqitur pranë Drejtorisë së Përgjithshme të Burgjeve dhe Ministrisë së Drejtësisë. Mbeten të paqarta arsyet e largimit të Selimit nga drejtimi i burgut të Reçit.

Selimi u përzgjodh me konkurs në krye të burgut të Reçit, Janarin e vitit të kaluar, dhe ka qenë një nga zyrtarët e preferuar dhe të kryeministrit Rama.

Më herët ai ka mbajtur pozicione ushtarake, ndërkohë  që burime jozyrtare bëjnë me dije se dorëheqja e tij mund të ketë ardhur për shkaqe personale.

Kujtojmë se kjo dorëheqje vjen pak ditë pasi presidenti Meta ngriti shqteësim lidhur me sigurinë në burgje, pasi kishte indicie se mund të kishte revolta për shkak të situatës së tensionuar politike.

Pretendim që u hodh poshtë nga ana e Drejtorisë së Përgjithshme të Burgjeve dhe Ministrisë së Drejtësisë të drejtuar nga Etilda Gjonaj.

(E.K/Faxweb.al)