Rastet e lirimeve nga burgu, në shumicën e rasteve edhe në mënyrë antiligjore, ka sjellë reagimin e opinionit publik.
Mesa duket kjo pritet të jetë edhe arsyeja e një lajmërimi nga Ministria e Drejtësisë për një deklaratë të rëndësishme në orën 12.30.
Megjithatë, ende nuk dihet se përse do të flasë ministrja Etilda Gjonaj. Rastet e përsëritura të daljeve nga burgu të disa eksponentëve të krimit, duket se e ka detyruar ministren të japë shpjegime.
Dy rastet e fundit të lirimit të të dënuarve janë ato të Endrit Dokles, anëtar i bandës së Durrësit, i cili u lirua nga Gjykata e Krujës, dhe Ergys Kolaverit nga Gjykata e Apelit në Tiranë.
Dokle u lirua edhe pse kishte marrë një burgim të përjetshëm, ndërsa Kolaveri u la në arrest shtëpie, edhe pse ishte dënuar me 20 vite burg.
