Çfarë po ndodh në Greqi? Për 24 orë gjenden 3 kufoma në plazhet e Rodosit

Tre kufoma u gjetën në më pak se 24 orë në plazhet e Rodosit.

Pas trupit të viktimës së parë  të gjetur të shtunën pasdite mes Afandou dhe Kolymbia janë gjendur këtë të dielë dhe dy viktima të tjera. Përkatësisht në  Glystra Afandou  dhe një në Faliraki.

Viktima e parë mendohet të jetë emigrant pasi ne xhepin e tij ju gjet edhe nje kartë telefoni turke.

Sipas mediave greke  viktima që u gjet këtë mëngjes në Faliraki kishte veshur një xhaketë të zezë dhe një kostum të zi, ndërsa trupi i gjetur dje ishte rreth 1.80 metra fizik normal, veshur pantallona të zeza , rrip të zi, këpucë të zeza sportive, këmishë të bardhë.

Hetimet po kryhen nga Autoriteti Qendror i Portit të Rodosit për të bërë identifikimin e viktimave, ndërsa trupat e tyre janë transferuar për ekzaminim nga mjeku ligjor.