Departamenti Amerikan i Shtetit ju ka bërë një thirrje urgjente të gjithë qytetarëve amerikanë në Irak që të largohen menjëherë. Kjo thirrje vjen pas situatës së tensionuar mes dy vendeve, pas vrasjes së gjeneralit Kasem Sulejmani nga forcat amerikane.
Në një postim në “Facebook”, DASH kërkon nga qytetarët që të mos afrohen pranë ambasadës së sulmuar dy ditë më parë.
“Për shkak të tensioneve të ngritura në Irak dhe rajon, ne u bëjmë thirrje qytetarëve amerikanë që të largohen menjëherë nga Iraku. Për shkak të sulmeve të mbështetur nga Irani në kompleksin e ambasadës amerikane, të gjitha operacionet konsullore janë pezulluar.
Qytetarët e SHBA nuk duhet të afrohen pranë ambasadës. Qytetarët e SHBA në Irak të shqetësuar për të dashurit mund të kontaktojnë Departamentin e Shtetit në 202-501-4444 pa pagesë. Shmangni Ambasadën e SHBA në Baghdad. Monitoroni median lokale dhe ndërkombëtare për lajme të reja”, ka bërë thirrje Departamenti Amerikan i Shtetit.
Discussion about this post