Pas zgjedhjeve të 11 qershorit ka lindur pyetja se kush do të jetë kryeministri i ardhshëm i Kosovës. Nuk janë të pakta reagimet apo deklaratat politike në Kosovë por deri më tani nuk është arritur asnjë marrëveshje.
Të dy aktorët kryesorë në këtë duel, Ramush Haradinaj si i nominuar nga koalicioni PAN për këtë pozitë dhe Albin Kurti nga lëvizja “Vetëvendosje” ende nuk kanë deklaruar diçka konkrete në formimin e qeverisë.
Që të dy kanë nisur edhe haptazi ballafaqimin e tyre, duke thumbuar njëri-tjetrin nëpër rrjetet sociale dhe përmes intervistave të ndryshme nëpër mediat kosovare, shkruan ‘Zëri’. Sipas AAK-së thonë se Ramush Haradinaj edhe ligjërisht është i vetmi i cili ka të drejtë ta formojë qeverinë.
Ndërkohë në lëvizjen “Vetëvendosje” janë të bindur se Republikës së Kosovës i kthehet dinjiteti vetëm me Albini Kurtin kryeministër. (J.V/Shuplaka)
