Spanja do të krijojë një regjistër të njerëzve që refuzojnë të vaksinohen kundër koronavirusit dhe do ta ndajë atë me shtetet e tjera të Bashkimit Evropian, ka thënë ministri i shëndetësisë atje.
Salvador Illa tha se lista nuk do të bëhet e ditur për publikun dhe për punëdhënësit, dhe shtoi se mënyra më e mirë për të mposhtur virusin është që “të vaksinohemi të gjithë ne – sa më shumë aq më mirë”. Spanja ka qenë një nga vendet në Evropë më e prekur nga virusi dhe më shumë viktima.
Në një intervistë me televizionin La Sexta të hënën, Z. Illa theksoi se vaksinimi nuk do të ishte i detyrueshëm.
“Ajo që do të bëhet është një regjistër, i cili do të ndahet me partnerët tanë evropianë … të atyre njerëzve të cilëve u është ofruar dhe thjesht e kanë refuzuar atë”, tha ai. “Nuk është një dokument i cili do të bëhet publik dhe do të bëhet me respektin maksimal për mbrojtjen e të dhënave.”
Ai shtoi: “Njerëzve të cilëve u ofrohet një terapi që ata e refuzojnë për ndonjë arsye, do të shënohet në regjistër … që nuk ka asnjë gabim në sistem, për të mos i dhënë këtij personi mundësinë e vaksinimit”.
Sipas një sondazhi të fundit, numri i qytetarëve spanjollë që kanë thënë se nuk do të marrin vaksinën ka rënë në 28% nga 47% në nëntor. Në komente të tjera të hënën, z. Illa tha se njerëzit do të kontaktohen nga autoritetet rajonale kur të jetë radha e tyre për t’u vaksinuar.
“Njerëzit që vendosin të mos vaksinohen, gjë që ne mendojmë se është një gabim, janë brenda të drejtave të tyre,” u tha ai gazetarëve. “Ne do të përpiqemi të zgjidhim dyshimet. Bërja e vaksinimit shpëton jetë, është rruga për të dalë nga kjo pandemi.”
Numri i njerëzve që kanë vdekur nga Covid-19 në Spanjë u rrit mbi 50,000 të hënën. Vendi ka regjistruar më shumë se 1.8 milion infeksione gjatë pandemisë. Spanja është nën një shtetrrethim mbarëkombëtar, midis 23:00 dhe 06:00, deri në fillim të majit. Në shumë vende, njerëzit lejohen të dalin vetëm në atë periudhë për të shkuar në punë, për të blerë ilaçe, ose për t’u kujdesur për të moshuarit ose fëmijët.
(E.K/Faxweb.al)
