Policia e Shtetit po zhvillon një “Mega Operacion” antidrogë në të gjithë vendin. Deri më tani janë zhvilluat operacione në Vlorë, Tiranë, Kavajë, Përmet , Lezhë, Elbasan, Shkodër, Krujë, Kukës etj.
Ky operacion drejtohet nga Drejtori i Përgjithshëm i Policisë së Shtetit, Haki Çako . Në operacion edhe Drejtori i Përgjithshëm i SHÇBA -së.
Operacionet që janë finalizuar:
VLORË:
Rreth 15 ton drogë janë kapur gjatë natës në një operacion të madh në Vlorë.
Policia e Vlorës e mbështetur nga Forcat e Ndërhyrjes së Shpejtë dhe nën drejtimin e vetë Drejtorit të Përgjithshëm të Policisë së Shtetit Haki Çako kanë finalizuar me sukses një operacion në Llakatund të Vlorës që ka çuar në sekuestrimin e 15 ton kanabis sativa si dhe armëve të zjarrit.
Mësohet se në krye të operacionit ka qenë edhe Drejtori i Policisë së Vlorës Gentian Shehaj si dhe Drejtori i Përgjithshëm i SHÇBA Eduart Merkaj.
Nga ana e policisë janë sekuestruar 5 armë zjarri kallashnikov të cilat janë gjetur gjatë kontrollit dhe kapjes së drogës në dy banesa në fshatin Llakatund.
Nuk ende informacione për të arrestuar, por policia ka shoqëruar disa persona. Në orët në vijim priten detaje të tjera si dhe sasia e saktë e drogës së kapur.
KAVAJË:
Janë kapur nga policia 700 kilogramë kanabis në Bago të Kavajës.
Droga është gjetur në dy mjete në orën 01:00 të mëngjesit të sotëm. Sapo pikasën policinë dy drejtuesit braktisën mjetet e tyre. Mësohet se në prangat e policisë kanë rënë 4 persona.
Lënda narkotike po transportohej në një automjet furgon dhe në një fuoristradë në rrugën që lidh fshatrat Hajdaraj dhe Bago dhe lënda narkotike po nisej për t’u trafikuar.
Dyshimet e para janë që droga po shkonte drejt “Plazhit të Gjeneralit” dhe më pas të transportohej me mjete lundruese drejt Italisë. Operacioni është në zhvillim e sipër për kapjen e personave të tjerë të përfshirë në këtë trafik të drogës. (J.V/Shuplaka)
