Ditën e djeshme edhe njëherë tjetër u rikthye në qendër të vëmendjes ish-ministri i Brendshëm Saimir Tahiri. Shkak për këtë u bë bllokimi i pasaportës nga ana e Gjykatës me kërkesë të Prokurorisë së Krimeve të Rënda.
Gazetari investigativ, Artan Hoxha zbuloi se çfarë sendesh ka sekuestruar policia në shtëpinë e ish-ministrit të Brendshëm të Saimir Tahirit.
Sipas Hoxhës, është sekuestruar një byzylyk i djalit të vogël dhe një varëse e bashkëshortes. Kjo e fundit ka rezultuar të jetë e gjyshes së tij.
Gazetari shtoi në studion e emisionit “Opinion”, se përveç këtyre, policia ka sekuestruar edhe një palë vathë dhe një byzylyk tjetër.
Sipas Artan Hoxhës, Tahiri dorëzoi ditën e sotme pasaportën dhe kartën e identitetit tek prokurori Gent Osmani, në Prokurorinë e Krimeve të Rënda. Përveç kësaj për deputetin është dërguar një shkresë edhe në pikat kufitare të vendit ku i ndalohet largimi jashtë vendit. Kujtojmë se pak javë më parë Tahiri pati një udhëtim drejt Gjermanisë që edhe sot mbeten mister arsyet e këtij udhëtimi.
(E.K/FAXWEB)
