Për lajmin e publikuar nga mediat italiane për arrestimin e “kokës së kokainës”, shqiptarin Valentin Selajn nuk ka munguar edhe disa rreshta për të dashurën e tij. Përflitet se Viola Spiro është e dashura e Valentin Selajt, publikimi i lajmit për arrestimin e tij është mbajtur me një foto ku shfaqen të dy së bashku.
Por çfarë shkruajnë mediat italiane për Viola Spiron?
“Ajo nuk ka asnjë faj. Përveç se është e bukur dhe e zgjedhura e Valentin Selaj, një nga bosët e klanit të shqiptarëve shkatërruar nga skuadra policore fiorentine me ndihmën e kolegëve holandezë”. Keshtu shkruan media lokale ne Itali, teksa jep informacione mbi operacionin e fundit, finalizuar me arrestimin e bandes shqiptare.
Përshkrimi për Viola Spiron:
Viola është një nga femrat e famshme dhe të dëshiruara në Shqipëri. Një vajzë kopertinash, televizioni, modele, me pak fjalë mbretëreshë e botës së modës, që ishte mësuar me jetë të bukur dhe nuk kishte kuptuar se i dashuri i saj shqiptar ishte një nga 6 personat në kërkim të të cilit ishte vënë gjysma e policisë europiane.
Një grua perfekte, me gjithë ato para që e rrethonin, kush mund ta mendonte se pikërisisht i dashuri i saj ishte në të vërtetë bosi i drogës me interesa në gjysmën e Evropës?
Gjithmonë e ndjekur nga paparacët, gjithnjë nëpër televizione, e ëndërruar nga meshkujt dhe jo vetëm, ka xhiruar botën për shërbime fotografike.
Ajo nuk ka të bëjë asgjë me operacionin e fundit të policisë , por ditën tjetër pas operacionit dhe arrestimit të të dashurit, ka postuar në rrjetin social dy foto të trishtuara. Buzëqeshja e saj është zhdukur.
(J.V/Faxweb)
