Çfarë tha Zuckerberg për vrasjen e 74-vjeçarit që u publikua LIVE në Facebook

Kreu i Facebook Mark Zuckerberg ka folur për herë të parë pas videos së publikuar në FB të vrasjes së një të moshuari LIVE.

Ai ka pranuar që Facebook ka shumë punë për të bërë në lidhje me videot e dhunshme, pas transmetimit direkt në këtë rrjet social të vrasjes të një të moshuari të dielën e Pashkëve.

“Zemrat dhe lutjet tona janë me familjet dhe miqtë e Robert Goodwin Sr”, -u shprehZuckerberg.

“Ne kemi shumë punë për të bërë, dhe do të vazhdojmë që të bëjmë gjithçka që mundemi që t’i parandalojmë tragjeditë si kjo që të mos ndodhin më”, -tha ndër të tjera  themeluesi i rrjetit mjaft popullor Facebook.

Të dielën e kaluar , Facebook-ut iu deshën dy orë që ta heqë videon e publikuar nga Steve Stephens, ku shfaqet duke e vrarë Godwinin, 74 vjeç në Cleveland të SHBA-së dhe kjo inatosi jo pak ndjekësit e rrjetit social, raporton New York Daily News. (M.D/Shuplaka)