Mbyllen ndeshjet e para për grupet e Champions League në natën e sotme që dhuruan shumë emocione, gola dhe spektakël. Ekipet e mëdha ia kanë dalë të fitojë sfidat e tyre, me përjashtim të Manchester City që dështoi përballë Lyon dhe Cristiano Ronaldo që u ndëshkua me karton të kuq që në minutën e 29’-të të ndeshjes.
Grupi G
Real Madrid mundi pastër Romës, me rezultatin 3-0, falë golit të Isco nga një goditje dënimi nga pranë zonës, dhe në të dytën është Bale që dyfishon shifrat ndërsa për të vulosur fitoren e “Los Blancos” mendoi blerja e re, Mariano që shënoi në kohën shtesë. Ndërkohë në ndeshjen tjetër të këtij grupi Plzen dhe CSKA Moscow kanë barazuar me rezultatin 2-2, ku rusët gjetën golin e barazimit nga një penallti në kohën shtesë.
Grupi H
Në këtë grup ndeshjet përfunduan ashtu siç ishte llogaritur, me Manchster United që mundi 3-0 Young Boys në Zvicër falë një super Pogba që shënoi dopjetë dhe Martial që vulosi rezutlatin final. Në Spanjë ndeshja mes Valencia dhe Juventus filloi me dramë, aty ku Cristiano Ronaldo u ndëshkua me karton të kuq që në pjesën e parë, por kampionët e Italisë ia dolën të fitojnë me 10 lojtarë falë dy golave të Pjanic nga pika e bardhë e penalltisë.
Discussion about this post