Champions League, raundi i 1/8-ave. Short “ferri” për Hysajn

Është zhvilluar ceremonia e hedhjes së shortit për fazën e 1/8-ave në Champions Leauge.

Ky raund do të sjellë tetë përballje tepër interesante.
Sfida më pikante e këtij shorti është ajo mes Bajern Mynih dhe Arsenalit, pa harruar dhe përballjen PSG – Barcelona.

Kampioni në fuqi në Ligën e Kampionëve, Real Madrid ka qenë qenë pak më me fat pasi nuk do të ketë një kundërshtar si Barcelona, por do të ndeshet me Napolin e Elseid Hysajt. 

Ndërsa Leister Siti debutues do të përballet me Sevijën e Spanjës. Për kampionët e Italisë ka qëlluar Porto e Portugalisë. 

Ndeshjet e para do të luhen në fushën e skuadrave që janë klasifkuar të dytat në grup, ndërsa vendet e para presin ndeshjen e kthimit në shtëpi.

Finalja e Ligës së Kampionëve do të luhet në stadiumin e Uellsit, Kardif .

Vendet e para: Arsenal (Group A, ENG), Napoli (B, ITA), Barcelona (C, ESP), Atlético Madrid (D, ESP), Monaco (E, FRA), Borussia Dortmund (F, GER), Leicester City (G, ENG), Juventus (H, ITA )

Vendet e dyta: Paris Saint-Germain (A, FRA), Benfica (B, POR), Manchester City (C, ENG), Bayern München (D, GER), Bayer Leverkusen (E, GER), Real Madrid (F, ESP), Porto (G, POR), Sevilla (H, ESP)