Gjithçka është gati për betejën e sotme mes Real Madridit dhe Liverpool-it, akti final i sezonit 2017/2018 së Ligës së Kampioneve. Dy gjigantët evropianë rezervuan biletat e tyre në Kiev duke mposhtur respektivisht Bayern Munich dhe Romën.
Spanjollët po luajnë në finalen e tyre të katërt në pesë vitet e fundit dhe po kërkojnë të fitojnë për herë të tretë me radhë dhe titullin e trembëdhjetë evropian në historinë e tyre. Nga ana tjetër, “The Reds” duan të përsërisin rezultatin e finales së fituar kundër “Los Blanco” në vitin 1981 në Paris, dhe do të ishte titulli i tyre i gjashtë. Suksesi i fundit i Liverpool daton në sezonin 2004/2005 me një fitore pas goditjeve të penalltisë në Stamboll kundër Milanit, pas një rikthimi të çmenduar nga 0-3 në 3-3.
Discussion about this post