Pavarësisht se rrezikon të mos kryejë asnjë transferim, për shkak të bllokimit të merkatos nga FIFA, vendim që është apeluar në CAS dhe pritet përgjigje, Chelsea do të detyrohet ta shesë yllin e mesfushës Eden Hazard këtë verë.
Ka qenë vetë futbollisti belg që ka njoftuar vendimin për të ardhmen e tij dhe ua ka bërë të ditur drejtuesve, pa sqaruar cili është vendimi, por nuk do shumë mend për të kuptuar që ylli i Chelseat ka kërkuar të largohet, sepse refuzon të rinovojë.
Duke qenë se tashmë hyn në vitin e fundit të kontratës, Hazard do të largohej falas verën e vitit 2020 dhe Chelsea nuk ka ndërmend të rrezikojë.
Reali mund të ofrojë deri në 100 milionë euro, por e di mirë që Chelsea është nën presion të madh, ndaj po pret me qetësi.
Pas finales së Europa League kundër Arsenalit me siguri gjithçka do të lëvizë me shpejtësi, duke bërë që transferimi të mbyllet që në qershor.
