S’ka asnjë dyshim që siguria në rrugë është një kërkesë e vazhdueshme e këmbësorëve, komunitetit të zonës, drejtuesve të automjeteve por si çdo gjë kur është me tepricë, bën efektin e kundërt.
Shikoni se çfarë heqin këta drejtues me pengesat artificiale në rrugë, të cilat shërbejnë për uljen e shpejtësisë.
Imagjinoni një moment që automjeti pas teje të mos frenojë në kohë…
Bëhet fjalë për aksin Elbasan-Cërrik-Gramsh. Drejtuesit janë entuziasmuar me rregullimin e rrugës, por me sa duket gëzimi ka zgjatur pak. Tashmë në të janë vendosur plot 21 pengesa.
Këto pengesa rreth 50 deri në 60 cm të gjera dhe me lartësi 6 cm janë kthyer në “makthin” e shoferëve sepse përveç formës fizike të papërshtatshme, përgjatë rrugës mungojnë edhe sinjalistikat për t’i paralajmëruar ato.
Mungesa e ndriçimit në rrugë dhe prania e tyre në thuajse çdo 800 metra, bën që automjetet të pësojnë dëmtime serioze. Tjetër problem paraqet edhe për ambulancat apo zjarrfikëset që duhet të kalojnë këtë aks për urgjencat që ndodhin në fshatrat dhe bashkitë e Cërrikut dhe Gramshit. (V.G/FAXWEB)
https://www.youtube.com/watch?v=hGFVt1zD54g&feature=youtu.be
