Në seancën e sotme plenare, deputeti e njëherazi kreu i LIBRA-s, Ben Blushi, vendosi të rrëfejë se kush ishte sipas tij “macja” e barcaletës duke qenë se deri më sot, asnjë prej deputetëve nuk arriti ta gjente dot.
”Ju nuk e gjetët dot, po ja u them unë. Është shumë për të qeshur. Para një muaji ju kam treguar një gjëagjëzë. Unë kam një mace ia jap Erion Braces, macja kafshon Taulant Ballën… Dhe ju nuk e gjetët. Më pyesin njerëzit: Ore ku e kafshoi? Dhe kush është macja? Macja ja ku është! Kjo është macja ua dhashë ju, ajo ju ka kafshuar të gjithë ju! Kjo është arsyeja që unë ia, se nuk pranoj kafshimin e maces!”, rrëfeu Blushi duke treguar me gisht nga karrigia e Edi Ramës.”, u shpreh sot Blushi nga foltorja e Kuvendit.
Por ai nuk është deputeti i vetëm që ka folur për macen. E nëse Blushi si politikan e përmend macen si personazh të gjëegjëzës së tij, një tjetër poltikan duket se e ka përzemër këtë kafshë shtëpiake.
Macja është simbol i tigrit pa fuqi, por kjo mesa duket nuk e pengon kryetarin e Kuvendit e njëherazi të LSI-së ta dojë e të kalojë kohën e lirë me këtë kafshë. Rreth një muaj më parë, një foto e tij me macen ku shfaqej buzagaz, qarkulloi nëpër media ndërkohë që mazhoranca ziente nga tensionet.
Me një kostum sportiv, Meta u fotografua duke përkëdhelur macen Sasha.
Blushi e tregoi kush ishte macja sipas tij, Meta ende s’ka bërë ndonjë koment për foton që shpërndau ditë më parë kur Rama fliste ”Live” nga studio televizive.
(XH.A/SHUPLAKA)
Discussion about this post