Liderin e Koresë së Veriut Kim Jon Un jemi mësuar që shpesh herë të dëgjojmë të quhet I çmendur për shkak të moskokëçarjes së tij në lidhje me paralajmërimet e forta të SHBA-së se do të shkatërrohet nëse vazhdon të njëjtin kurs me aktivitetin e tij bërthamorë.
Mirëpo sipas CIA-s Kim nuk është i çmendur por racional dhe se ashtu si gjithë diktatorët e tjerë do që të vdesë në shtrat.
“Kim Jong Un është një aktor shumë racional”, tha të mërkurën zëvendësndihmës drejtorja e Qendrës së Misionit të Koresë në Agjencisë Qendrore të Zbulimit, CIA.
“Me përjashtim të retorikës agresive, Kim Jong Un nuk ka dëshirë të përballet me forcat e komandës së përbashkët (të Shteteve të Bashkuara dhe Koresë së Jugut)”, tha Yong Suk Lee në një konferencë për zbulimin në Uashington, të organizuar nga CIA.
“Kim Jong Un dëshiron atë që të gjithë sundimtarët autoritarë duan, të qeverisë për një kohë të gjatë dhe të vdesë paqësisht në shtratin e tij”, tha zonja Lee.
Ky zbulim i CIA-s duket se kundërshton presidentin Trump i cili pak kohë më parë e quajti si një njeri të çmendur.
Megjithatë, zonja Lee dhe zyrtarë të tjerë të CIA-s besojnë se ka pasur një “qëllim të caktuar” në mënyrën se si udhëheqësi i Koresë së Veriut po vepron në skenën botërore.
(B.H/Shuplaka)
Discussion about this post