Kur çifti britanik e adoptoi fëmijën shqiptar, nuk ia kishte marrë mendja se çfarë i priste. Bëhet fjalë për një familje në Berks të Anglisë, e cila kishte adoptuar një djalë shqiptar, por që ky i ka përdhunuar djalin e tyre të vogël.
Tabloidi britanik “The Sun” shkruan se 7 vjeçari, i ka treguar gjyshes se i vëllai i adoptuar ka abuzuar me të.
I vogli ka treguar se ai e ka dhunuar në dhomën e gjumit, gjatë pushimeve verore kur ai ka qenë vetëm 4 vjeç dhe shqiptari 11-vjeç. Pasi gjyshja ka marrë vesh lajmin ajo ka vepruar menjëherë duke e kallëzuar të miturin në polici. I pyetur nga policia, i vogli rrëfen: “Ai më bëri disa gjëra të këqija. Më lëndoi. E bënte çdo ditë”.Më tutje, 7-vjeçari ka treguar se “vëllai” 14-vjeçar e kishte dhunuar 10 herë, para gjumit dhe në mëngjes, në shtëpinë e gjyshes së tij.
Tabloidi britanik shkruan se kur efektivët e policisë e pyetën “se cilën pjesë të trupit ka të dëmtuar”, ndërkohë që tregonte me gisht ai përgjigjet: “Të pasmet e mia” . Më tutje vazhdon: “Ai më lëndoi. Më detyronte të hipja lart në katin e dytë dhe më lëndoi”.
Fëmija shqiptar ishte paraqitur në Mbretërinë e Bashkuar si azilkërkues që kur ishte 9 vjeç, dhe për 2 vite e 2 muaj ka qëndruar me familjen adoptuese. Pas rrëfimit të të voglit, policia nisi hetimet dhe nga testet që iu bënë fëmijës shqiptar, u zbuluan gjurmë ADN-je të 7-vjeçarit.
Adoleshtenti shqiptar i mohon akuzat, por ndërkohë drejtësia ende nuk ka arritur në një përfundim. (D.D/Shuplaka)
Discussion about this post