Të tjera detaje janë zbuluar në lidhje me ngjarjen e rëndë që tronditi mëngjesin e sotëm kryeqytetin. Në zonën e Unazës së Re, në rrugën “Kristaq Mone” Majlind Lila 42 vjeç ka vrarë ish-vjehrrin Bujar Mata, 63 vjeç dhe ish-vjehrrën Xhevahire (Valentina) Mata, 52 vjeçe në shtëpinë e tyre.
Më pas ish-dhëndri Majlind Lala është hedhur nga ballkoni, ku është gjetur nga policia i plagosur rëndë dhe ka ndërruar jetë rrugës për në spital.
Gazetari i Fax News, Sokol Dema bën të ditur se autori i krimit të trefishte kishte vetëm tre ditë që ishte kthyer në Shqipëri. Majlind Lila mësohet se ka bashkëjetuar në Suedi me vajzën e viktimave, Nevila Mata 36 vjeçe. Sipas burimeve për Fax News çifti ka një vajzë. Autori bënte përgjegjës prindërit e ish-gruas për ndarjen e tyre.
Ish-bashkëshortja Nevila Mata ndodhet në Suedi, ndërkohë që viktimat kanë patur konfikt të mëparshëm me njëri-tjetrin. Në vendngjarje janë gjetur tre gëzhoja. Veten e ka goditur me mjete prerëse, pasi ka vrarë dy vjeherrit. Autori i krimi bëhet e ditur se kishte probleme me alkolin.
42 vjeçari Majlind Lila ishte me origjinë nga Burreli, ndërkohë dy viktimat ishin me origjinë nga Korça.
Njoftimi i policisë
Sot rreth orës 06:56, në Astir, në rrugën “Kristaq Mone” janë gjetur në banesë të vrarë me armë zjarri shtetasit B. M., 63 vjeç dhe Xh. M., 52 vjeçe.
Poshtë ballkonit të banesës së shtetasve B. M., dhe XH. M., është gjetur i dëmtuar dhëndëri i tyre, shtetasi M. L., i cili është transportuar për ndihmë mjekësore në spital ku dhe ka ndërruar jetë.
Po punohet për sqarimin e plotë të rrethanave të ngjarjes.
(M.Q/Faxweb.al)
