Një çift shqiptarësh janë bërë të famshëm brenda 24 orëve sa hap e mbyll sytë.
Verona Koliqit dhe Mirand Buzakut janë shqiptarë nga Kosova, por të lindur dhe rritur në Londër dhe duket se rastësia e historisë së tyre ka pushtuar gjithë mediat ndërkombëtare.
Verona dhe i fejuari i saj kanë qenë duke parë bashkë fotot të vjetra të familjes, kur kanë vënë re diçka që u ka tërhequr vëmendjen.
Pasi vështruan me kujdes foton panë se djali i shtrirë në dyshekun e verdhë pas tyre, ishte ai që sot është i fejuari i saj. Fotoja duket se ishte shkrepur rreth 10 vite me parë, kur secili prej tyre ishin me familjen përkatëse në Mal të Zi me pushime verore.
“Po shihnim foton dhe ai tha: “prit pak, ai këtu jam unë”. Fillimisht s’po e besoja, më dukej shumë për të qenë rastësi. Pastaj pyetëm të afërmit tanë dhe na konfirmuan gjithçka,”- u shpreh vajza.
Sapo Verona e shpërndau historinë e saj në rrjetet sociale, pas 24 orësh çifti shqiptar ishte në të gjithë tabloidet e famshme. Historia e tyre u bë virale.
(F.M/Faxweb)
Discussion about this post