“Jam i lumtur që u ktheva përsëri në stadiumin e Bashakshehirit, edhe pse këtë herë kundër tyre, por aty kam shumë miq dhe shokë. Më ndoqi fati i keq sepse në pak minuta që isha në fushë dëmtova gjurin në një përplasje gju me gju me portierin kundërshtar dhe dola sepse pata shumë dhimbje. Dje bëra një rezonancë dhe rezultoi që fatmirësisht nuk është dëmtim i rëndë. Nga ky dëmtim maksimumi do humb ndeshjen e fundjavës me ekipin, pra shumë shpejt do jem gati, çështje 3-4 ditësh” shprehet ai.
“Problemi im që s’jam thirrur në kombëtare kanë qënë minutat e pakta që kam patur te Bashakshehiri, por këtu minutat i kam dhe besoj se rikthimi në kombëtare është afër, që ndaj Italisë. Megjithatë këto i vendos trajneri, me të cilin kam folur shpesh, edhe pas dëmtimit. Të jesh në kombëtare është krenari dhe kënaqësi e veçantë. Uroj që të bëjmë gjëra të mira në rrugën drejt Botërorit” tha Cikalleshi për kombëtaren. (M.D/ Shuplaka)
