Sokol Cikalleshi nuk do të jetë më pjesë e ekipit të Bashakshehir për pjesën e mbetur të sezonit. Sulmuesi i njohur është transferuar tek ekipi i Akhisar Belediyespor, po në Superligën e Turqisë.
Kjo lëvizje ka ardhur pas afrimit të Adebayor në skuadër do t’a kishte pothuajse të pamundur për të marrë minuta dhe për këtë arsye. Po kështu kartoni i lojtarit edhe pse ka ndërruar ambjent vijon t’i mbetet Bashakshehir për arsyen se në fund të sezonit ai do të rikthehet sërish, shkruan një portal online.
Cikalleshi nuk është shitur, por është dhënë në formë huazimi për pjesën e mbetur të kampionatit. Me lëvizjen e re, Cikalleshi shpreson të gjejë formën e duhur dhe të rikthehet tek Bashakshehir i gatshëm për të luftuar për një vend në formacion. (J.V/Shuplaka)
