Sulmuesi i Kombëtares shqiptare po shëlqen në ligën turke, mbrëmjen e djeshme ai shënoi tre gola ndaj skuadres Gaziantepspor duke i dhënë fitoren skuadrës së tij Akhisar, ndeshja mbaroi me rezultatin final 6-0 ne favor të ekipit të Cikalleshit i cili ishte protagonist kryesor.
Pas ndeshjes ka qenë vetë Cikalleshi I cili bëri të njohur bisedën mes ti dhe presidentit të klubit, Huseyin Eryuksel, Presidenti I kishte deklaruar Cikallesht se nuk do ta linte të kthehet tek Istanbul Basaksehir, klub nga i cili Cikalleshi është huazuar.
“I pari që më uroi ishte presidenti i klubit mes shumë të tjerëve, më tha që nuk do më linte të lagohesha nga skuadra, jam shumë I kënaqur për këtë” Cikalleshi foli edhe për Kombëtaren ku u shpreh optimist se Kombëtarja mund ta bëj kthesën në ndeshjen ndaj Izraelit, madje e mendon shpesh këtë, ai thotë se nëse luajmë në grup siç kemi bërë edicionin e kaluar ne mund t’a dalim dhe të kthehemi si më parë. Për Cikalleshin nuk ka rëndësi se kush shënon, ai apo Sadiku, për të ka rëndësi ecuria e Kombëtares.
“Izraeli është një mundësi e mirë për të bërë kthesën, por kjo nuk bëhet me fjalë, duhet të luftojmë si grup, ne mund të rikthehemi të fortë ashtu si edicionin e kaluar nëqoftëse luajmë si grup. Për mua ska rëndësi kush shënon, unë apo Sadiku, por objektivi I skuadrës” Përballja e parë mes Shqipërisë dhe Izraelit në Shqipëri përfundoi me rezultatin 0-3 në favor të miqve, e vlefshme për eliminatoret e Botërorit ‘Rusi 2018’. (B.H/SHUPLAKA)
