Sulmuesi i kombëtares shqiptare të futbollit Sokol Cikalleshi ka shënuar sërish gol me fanellën e Akhisar në kampionatin turk.
Cikalleshi shënoi në minutën e 9 duke kaluar në avantazh Akhisarin ndaj Kardemir Karabukut.
Ky ishte goli i 7 i futbollistit nga Kavaja me fanellën e ekipit ku luan që prej janarit. Pavarësisht golit të Cikalleshit skuadra e tij nuk arriti të fitojë. Ndeshja mbaroi me rezultatin 3-2 në favor të Kardemir Karabukut.
Akhisari e mbylli këtë sezon në vendin e 7 të renditjes, me 13 pikë distancë nga zona që të çonte në Evropë.
Ky është një lajm i mirë për De Biassin dhe Kombëtaren shqiptare për ndeshjen kundër Izraelit. (B.H/Shuplaka)
