Policia e Dundee në Skoci ka falenderuar publikisht një qytetar I cili ndihmoi forcat e rendit për të bërë të mundur ndalimin e një personi po ndiqej për vjedhje
Përmes një videoje të publikuar në rrjetet sociale nga Policia, tregohet ndihma e një civili për të ndaluar një të dyshuar për vjedhje.
Çiklisti Uber që u përfshi në ndjekjen e personit të dyshuar dhe kapjen e tij shërbeu për autoritetet edhe si një rast me anë të të cilit kërkoi kështu që komuniteti të përfshihet më shumë në situata të ngjashme për të ndihmuar policinë.
Në video shihet një person me motor duke u ndjekur nga policia nëpër rrugët e qytetit skocez. Nga shpejtësia e madhe i dyshuari për vjedhje humbi kontrollin e mjetit dhe u përplas me një makinë në një kryqëzim dhe filloi të vraponte për t’iu shmangur arrestit.
Në këtë moment shfaqet dhe heroi ynë me biçikletë, i cili pa asnjë hezitim përfshihet në ndjekje të personit që po kërkohej të arrestohej nga policia. Ai la në një moment biçikletën dhe filloi ta ndiqte me vrap dhe pas pak metrash u hodh mbi të duke e neutralizuar si në një film aksion. Me sa duket heroi ynë duhet ta marrë idenë e ndërrimit të profesionit, shkruan Daily Mail
(F.GJ/FAXWEB.AL)
