Ditën e djeshme u nda nga jeta në mënyrë të parakohshme aktori i njohur shqiptar Xhevdet Ferri. I njohur dhe me nofkën Xhoda, Ferri u nda nga jeta në moshën moshën 59 vjeçare, duke humbur betejën me një sëmundje të rëndë që kisht prej disa muajsh.
Prej disa ditësh gjendja e tij ishte rënduar edhe më shumë ndërsa aktori ishte shtruar në spital, ku miqtë dhe familjarët përjetuan bashkë me të dhimbjet e ditëve të fundit.
Ndërkohë që të shumta kanë qenë mesazhet e ngushëllimit të kolegëve dhe miqve në drejtim të Ferrit e familjes së tij, ndërsa janë rikthyer dhe kujtimet që shumë prej të njohurve kanë pasur me aktorin e madh. Në një nga intervistat e tij, dhënë rreth 14 vite më parë vetë aktori ka folur dhe për vdekjen dhe pengun më të madh në jetën e tij.
“Zhgënjimi i parë dhe më i rëndi në jetë ka qenë se nuk më kanë lënë që të studioja atë që doja, që ishte arkitektura”, do të shprehej Ferri.
Ndërkohë që duke iu përgjigjur pyetjes së gazetarit Arian Çani ‘’dëshira e fundit nëse do të vdisnit tani, në këto momente”, ai do të thoshte “padyshim që do të shkonte në favor të atyre njerëzve që mbeten pas nesh”.
View this post on Instagram
Zone e lire 29 Shtator 2006 Xhote ? nese na sheh nga lart… #xhevdetferri
Po kush ishte Xhevdet Ferri?
Në 1982 diplomohet në Akademinë e Arteve dega e dramës dhe më pas mbetet pedagog i mjeshtërisë së aktorit në këtë Akademi. Vazhdon karrierën akademike deri në detyrën si Dekan i Fakultetit të Artit Dramatik pranë kësaj Akademive. Ka interpretuar në rreth 30 role në kinematografi e teatër. Në teatër ka interpretuar pak role, por suksesin me te madh si aktor ai e ka arritur ne filmin artistik (rreth 13 role).
Pothuajse në të gjitha filmat ka qenë në rolin e protagonistit deputon në vitin 1980 ne “Skëterrë ’43” si Arjani dhe po atë vit në “Vëllezër dhe shokë” duke rënë në sy për rolin e Markos.
5 vjet më vonë në vitin 1985 do të bëhet i njohur me interpretimin e rolit të Agronit në filmin e dytë të tij “Hije që mbeten pas”. Në mishërimin që i bëri figurës se Gorit në filmin tjetër “Dhe vjen një dite”, me të cilin u nderua me medaljonin e festivalit, me 1986, bie ne sy cilësi te tjera interpretive si natyrshmëria, qetësia dhe thjeshtësia shoqëruar nga karakteri drejtpërdrejt i të vepruarit. U dallua për një individualitet të veçantë aktoresk.
Role të tjera të spikatura për aktorin Xhevdet Ferri janë edhe ai i e Pali në “Besa e kuqe” (1982); Sandri në “Vendimi” (1984); Trimi në “Përrallë nga e kaluara” (1987); Martini në “Treni niset në 7 pa pesë” (1988); Gjon Kadri ne “Vitet e pritjes” (1990); Me rolin e Sakos, në filmin “Dasma e Sakos” (1998), Xhevdet Ferri arrin sërish në një pikë të lartë artistike të interpretimit.
Nga vitet 1995-1999 ishte drejtor i Qendrës Kombëtare të Kinematografisë, duke e marrë sërish këtë post në vitin 2006. Ndërsa në vitet 1999-2001 ishte drejtor i Teatrit Kombëtar. Është specializuar në fushën e “Menaxhimit të Institucioneve Artistike” në Amsterdam e Oxford. Në periudhën kohore 1996 – 1998 ishte deputet i PD-se në Kuvendin popullor. Në vitin 2004 është bashkëthemelues i Shoqatës së Kineastëve Shqiptarë duke qenë edhe Kryetari i pare i kësaj Shoqate.
Discussion about this post