Cila është kënga që do shoqërojë Lulzim Bashën në 25 ditët e fushatës (VIDEO)

Tri ditë më parë, Partia Demokratike hapi fushatën elektorale pas regjistrimit si subjekt zgjedhor në Komisionin Qendror të Zgjedhjeve.

Si çdo parti e regjistruar në zgjedhjet e përgjithshme parlamentare të 25 qershorit, edhe Partia Demokratike ka tashmë sloganin e saj të fushatës dhe një këngë që do të shoqërojë rreth një muaj demokratët në takimet e ndryshme nëpër qarqe.

Kënga e zgjedhur nga PD është “Under Control”, një bashkëpunim i tri viteve më parë mes Calvin Harris dhe Alesso-s. Një këngë ritmike, që me gjithë temën e dashurisë në qendër, tërheq me vargjet e saj ku ndër të tjera bien në sy: “Duke pritur që zjarri të ndizet, duke ndjerë se po bëjmë diçka të drejtë”.

“Nën kontroll” (Under control) ka shoqëruar deri më tani Bashën në takimet e zhvilluara në Tiranë, Lushnjë, Fier, Dibër, Berat, etj.

(XH.A/SHUPLAKA)